唉... MSN Space 呢度, 實在係 load 得慢, 又將o的相壓縮到起角...

完全失真....

要轉去其他相簿了....

所以, 我開o左以下呢個 Fotop 的相簿, 請大家稍移玉步:

呢五日假期, 話咁快過去.....

可惜, 呢幾日都係天陰陰, 影相都爭好遠.....

4月6日, 去到赤柱影相, 可惜天陰之下, 唔夠光, 點影都爭好多..... 唯一有趣地方, 係相簿裡....

4月7日, 去到大埔三門仔, 仍然天陰, 有景都無用, 何況係無乜好景.... 但, 唔知係咪天色唔好, 心情都爭好遠....

4月8日, 先到鐵路博物館.... 原來, 呢個博物館雖然响大埔火車站, 已經有指示牌, 但原來係同火車站相距好鬼遠, 而且沿路曲折, 路牌指示不足.... 好在, 路在口邊, 問問人, 勉強都可以搵到.... 呢個博物館係免費進入, 所以, 好大班婆婆就當佢係公園咁坐, 結果有o的景會見到佢地上鏡.... 另外都幾多人去, 所以, 鏡頭裡"人山人海".... 之後到「大埔海濱公園」, 初時上LCSD網站, 見到話71k會去到呢個公園, 原來又係大話一個.... 一上到車, 個司機已經話唔經呢個公園, 好在巴士上有熱心街坊指引, 仲落車帶我地行一段路, 先至識得通過廣福邨, 去到見到海邊的地方... 之後以為差唔多到啦, 點知, 原來只係去到「完善公園」, 要到「海濱公園」, 仍然有一段路.... 好在, 都在問人之下搵到....

 

剛於上星期到西貢鹽田仔, 可惜天色陰沉, 仲有點霧氣....

 

當日都係去到西貢碼頭坐船, 但今次架船舊一點, 同個船家一樣較老....

 

到我地差唔多去到鹽田仔, 船家話唔可以埋岸登陸, 因為有個大浪打緊埋來...

初時睇海面唔算好可怕..... 但原來, 影響就大囉.....

架船好似變o左海盜船咁左右前後咁擺, 嚇到我同女友唔敢坐响船上的長櫈上....

因為實在擺得太厲害啦, 連踎响度都跌, 所以, 要坐在船倉地上, 將身體壓低, 而且要找住木造的長櫈, 跌落水都有o的野捉住丫嘛.....

 

之後上到鹽田仔, 呢個村已經荒廢....

值得去的, 係一間列入古蹟的教堂....

經過翻新後, 影相都幾好o架.....

 

無其他特別了, 睇相簿啦.....

上星期六(2007.03.03), 同女友去貝澳影相....

今次希望可以影得更有美感..... 可惜, 技術有限, 而且部相機功能不足, 只可在構圖上花一點心思....

攝影技巧, 仍然要努力.....

近來多o左睇下其他人的 msn space, 睇下有冇咩可以參考下咁....

我發覺好多人都係有同一個問題, 就係有o的多餘o既相簿....

原因係呢度要"新增相簿"就好容易, 但响同一個畫面, 想刪除相簿就很麻煩.....

例如, 我按了"新增相簿"一次, 但如果我未改名或放相, 當我轉去另一頁之後, 都會自動產生一個以當日日期為名的相簿....

到你想刪除這本相簿而 click 入去, 但總會找不到刪除相簿的按鈕.... 而按"相片"呢個標題, 又不會回到可以刪除相簿的一頁...

結果, 空相簿就越來越多, 又麻煩又不好看...

咁點解決呢?

 

如果唔明, 不妨在此留言.....